కొంతకాలము మీరు శ్రమపడిన తరువాత, క్రీస్తులో తన నిత్యమహిమకు మిమ్మును పిలిచిన సమస్త కృపకు దేవుడే మిమ్మును పరిపూర్ణులనుగా చేసి, స్థిరపరచి, బలపరచి, స్థాపించును.

మన పాపములను మనము ఒప్పుకొనినయెడల, ఆయన నమ్మదగినవాడును నీతిమంతుడునై యుండి మన పాపములను క్షమించి సమస్త దుర్నీతినుండి మనలను పవిత్రులనుగా చేయును.

చిన్నపిల్లలారా, మాటతోను నాలుకతోను కాక క్రియతోను సత్యముతోను ప్రేమించుదము.

ప్రేమలో భయము లేదు; పరిపూర్ణమైన ప్రేమ భయమును వెళ్లగొట్టును.

ఆత్మ ఫలమేమనగా ప్రేమ, సంతోషము, సమాధానము, దీర్ఘశాంతము, దయ, మంచితనము, విశ్వాసము, సాత్వికము, ఆశానిగ్రహము.

మనలో కార్యము చేయు తన శక్తిచొప్పున మనము అడుగు వాటన్నిటికంటెను ఊహించు వాటన్నిటికంటెను అత్యధికముగా చేయగల దేవునికి మహిమ కలుగును గాక.